Atzo Hezkuntza Kontseilari den Isabel Celaa entzun ahal izan genuen medio ezberdinetan "kontsentsua" berreskuratzeko inposaketan oinarritutako hezkuntza aldaketak iragartzen. Lotsagarria da ikustea gutxiengoaren Gobernuak gehiengo sozialaren aurkako neurriak nola hartzen dituen. Euskara inposaketa ideologikoa dela esatea, edo Euskal Herria termino kultural bat baino ez dela aipatzea guztiz iraingarria da euskaldunon gehiengo zabalerentzat. Baina berdin dio, eurek PPrekin eginiko akordioa aurrera eraman eta euren eskutik Espainiako estatu-paktua garatzea baino ez dute nahi. Nafarroan aspaldi garatzen dabiltzak estatu-paktua eta azken asteotan bereziki larria izan dena.
Herri honetan euskara eta gaztelera maila berdinean egon behar dutela diote, eta horretarako ikasle batzuek euskaraz ez jakitea beharko omen da: A eredua mantentzeak milaka ikasle euskarazko analfabetismora bultatzen ditu. A ereduak ez du euren legea betetzen. Ezta B ereduak ere. D eredua eta A eredua parekatzea, mutur batean eta bestean dauden ereduak bailiran, errealitateari muzin egitea da. Gustu txarreko broma bat dirudi, baina hori da euren irakurketa. Izan ere, zein eskubide dute gurasoek euren seme-alabak euskarazko analfabetoak izan behar dutela erabakitzeko? Erabaki dezakete gurasoek ea Matematikak edo Biologia ikasi nahi duten edo ez? Erabaki dezake A ereduko ikasle batek derrigorrezko hezkuntza bukatzerakoan koofizialak diren bi hizkuntzen artean zeinetan mintzatu?
Eta gainera Euskal Herria eskoletan irakastea, noizbait herri izateaz gain Nafarroako Estatu izan ginela ikastea, alienazio eta inposaketa omen da. Eta eurena zer da orduan? Gutxiengo sozialak onartzen duen zerbait guztiei irakastea zer ote da? Euskal Curriculumaren garapenari ateak itxi eta gure herri jakintza deuseztu nahi dute. Laster etorriko dira zer ikasi behar den eta zer esateaz gain nola irakatsi behar den eta nork egin behar duen esaten. Ildo horretan kokatzen da euskal gatazka politikoaren biktima batzuek (oso zehatzak) eskoletan sartzeko gogoa: gure herriaren historia aldrebestu, abertzaleak gaiztoak direla eta eurak munduko "hiritar" onak.
Ezker Abertzalean badakigu euskal herritarren gehiengoa Celaaren erabaki hauen aurka dagoela. Argi utz diezaiegun espainiar inposaketa ordezkatzen duten agintari horiei.
Argitaratze data: 2009-11-03
PP-PSE akordioa: Euskal Herriaren ukazio eta asimilaziorako tresna Euskal Herriaren ukazioa eta berezko hizkuntzaren, kulturaren eta identitatearen asimilazio nahiek itsutu egin dituzte EAEko eta Nafarroako Foru gobernu ez demokratikoetan dauden sasi agintari espainolak, eta noski, helburu jakin bat dute: eurena inposatuz, euskal herritarron identitatearen osagai diren euskara eta euskal kultura desagerraraztea.
UPN-k “Euskal Herria” terminoa Nafarroako eskoletatik desagertzeko proposamena...
Pacto de Estado en educación Estos días se habla mucho de la opción de realizar un pacto de Estado en educación. Lo ha dicho hasta su Majestad en la inauguración del curso escolar. Se habla de más autoridad para el profesorado, de acordar leyes, de acordar reformas. Pero hoy en día son pocas las personas...
Ikasturte berrian lehengo lepotik burua Ikasturte berria hasi da eta berarekin betiko arazoak dirau. Eskolaren bidez Euskal Herri osoan 3 ikasletik bakarra euskalduntzen da, bai, bakarra! Horren errua ereduen politikan, Nafarroaren zonifikazioan eta Parisek hizkuntzei ematen dien trataeran dago. Eta egun hauetan betiko lepotik burua joango dela ikusi dugu:
Araba, Bizkaia eta Gipuzkoan aurrera beharrean atzera...
PP-PSE akordioa: Euskal Herriaren ukazio eta asimilaziorako tresna
